web-ads-yml-728x90

Breaking News

भारतीय शास्त्रीय संगीत केवळ मनोरंजन नाही तर आत्मानुभूती : राज्यपाल भगत सिंह कोश्यारी

 


BY - युवा महाराष्ट्र लाइव मुंबई

भारतीय शास्त्रीय संगीत केवळ मनोरंजन किंवा करमणुकीचे साधन नसून ती आत्मानुभूती असल्याचे प्रतिपादन राज्यपाल भगतसिंह कोश्यारी यांनी आज येथे केले.श्री षण्मुखानंद ललित कला व संगीत सभेतर्फे आयोजित कार्यक्रमात शनिवार (दि. ११) राज्यपालांच्या हस्ते शास्त्रीय संगीत क्षेत्रातील देशभरातील ५० युवा कलाकारांना श्री षण्मुखानंद एम एस सुब्बलक्ष्मी शिष्यवृत्ती प्रदान करण्यात आल्या, त्यावेळी राज्यपाल बोलत होते.यावेळी संगीत क्षेत्रातील प्रदीर्घ सेवेबद्दल राज्यपालांच्या हस्ते चेन्नई येथील दिव्यध्वनी स्कुल ऑफ कर्नाटक म्युझिकच्या संस्थापिका श्रीमती सीता नारायणन यांना सुब्बलक्ष्मी संगीत प्राचार्य पुरस्कार प्रदान करण्यात आला.भारतीय संगीतामध्ये स्वर्गीय अनुभूती देण्याचे दैवी सामर्थ्य आहे असे सांगून युवा संगीतकारांनी डॉ सुब्बलक्ष्मी यांच्या नावाने मिळालेली शिष्यवृत्ती एक जबाबदारी आहे याची जाणीव ठेवून कठोर परिश्रम व अभ्यासाच्या माध्यमातून उत्तम संगीतकार व्हावे, असे राज्यपालांनी सांगितले.

No comments