0

 


BY - युवा महाराष्ट्र लाइव – मुंबई

माजी मुख्यमंत्री स्व. विलासराव देशमुख यांचे लातूर येथे स्मृति संग्रहालय उभारण्यात येणार असून त्यासाठी लातूर पंचायत समितीच्या सभापतींचे निवासस्थान जिल्हा परिषदेने सांस्कृतिक कार्य विभागाकडे हस्तांतरित करण्याच्या सूचना ग्रामविकासमंत्री हसन मुश्रीफ यांनी दिल्या. सांस्कृतिक कार्यमंत्री अमित देशमुख यावेळी उपस्थित होते.

माजी मुख्यमंत्री स्व.विलासराव देशमुख यांचे लातूर येथे स्मृती संग्रहालय तयार करण्यासह दक्षिण मराठवाड्याचे दर्शन घडविणारे प्रादेशिक शासकीय संग्रहालय नव्याने निर्माण करण्यासंदर्भात मंत्रालयात बैठकीचे आयोजन करण्यात आले होते. स्मृति संग्रहालयासाठी लातूर पंचायत समितीच्या सभापतींचे निवासस्थान जिल्हा परिषदेने सांस्कृतिक कार्य विभागाकडे हस्तांतरित करण्याचा प्रस्ताव सांस्कृतिक कार्य विभागामार्फत ग्रामविकास विभागाला पाठविण्यात येईल, त्यानंतरच याची कार्यवाही पूर्ण होईल, असे ग्रामविकासमंत्री श्री. मुश्रीफ यांनी सांगितले.

Post a Comment

 
Top