0

BY - युवा महाराष्ट्र लाइव – ठाणे | 
ठाण्यातील ग्लोबल हबमध्ये उभारलेले हजार बेडचे विशेष कोवीड रुग्णालय अजूनही पूर्ण क्षमतेने सुरू झालेले नाही. त्यातच मुंब्रा खारेगाव येथील प्रत्येकी ४०० बेडच्या रुग्णालयांपाठोपाठ व्होल्टास कंपनीच्या जागेवर आणखी हजार बेडचे रुग्णालय उभारण्याची घोषणा झाली आहे. ग्लोबल हबमधील रुग्णालयासाठी स्टाफ मिळालेला नाही. मग आणखी हॉस्पीटल उभारून ठाणे महापालिकेला विक्रम करायचा आहे का? असा सवाल भाजपचे जिल्हाध्यक्ष आमदार निरंजन डावखरे यांनी `ट्वीटर'द्वारे केला आहे. आधी हॉस्पीटलसाठी आवश्यक स्टाफची नियुक्ती करूनच कोविडसाठी नवी विशेष हॉस्पीटल उभारावीत, अशी सुचनाही आमदार डावखरे यांनी केली आहे.

Post a comment

 
Top