0
BY - युवा महाराष्ट्र लाइव – दिल्ली |
दिल्ली पोलिसांच्या विशेष पथकाने 12 किलो हिरोईन जप्त केले आहे. आंतरराष्ट्रीय बाजारात या हेरोईनची किंमत जवळपास 50 कोटी  रुपये असेल, असं सांगितलं जात आहे. या प्रकरणात पोलिसांनी एकूण तीन लोकांना अटक केली असून यामध्ये एका नायझेरिअन व्यक्तीचा समावेश आहे, अशी माहिती पोलीस उपायुक्त प्रमोदकुमार सिंह कुशवाहा यांनी काल (17 डिसेंबर) दिली.
पोलिसांनी अंमली पदार्थासह अटक करण्यात आलेल्या आरोपींची नावे अनुभव दुशाद उर्फ विक्की (35) दिल्लीमधील मुनिरका गाव येथे राहणार आहे. रेणुका (27) भोपाळ येथे राहणारी आहे आणि क्रिस्ट जोले (28) हा नायजेरियन येथे राहणारा आहे. जोले गेल्या अनेक वर्षांपासून पर्यटक विजावर भारतात आला होता. पण त्यानंतर तो भारतात लपून राहत होता.“अनुभवकडे सात किलो, रेणुकाकडे तीन किलो आणि जोलेकडून दोन किलो हाय क्वॉलिटी हेरोइन जप्त करण्यात आले आहे. अंमली पदार्थांची तस्करी करणाऱ्या या आंतरराष्ट्रीय टोळीचा भांडाफोड दिल्ली पोलिसांच्या विशेष पथकाने केला आहे. ही टोळी राजधानी दिल्लीसह अनेक राज्यात हेरोइनसारख्या घातक पदार्थांची तस्करी करत होती. त्यासोबतच काही देशातही तस्करी केली जात होती, असं उपायुक्त प्रमोदकुमार सिंह कुशवाह यांनी सांगितले.


Post a Comment

 
Top