0
BY - युवा महाराष्ट्र लाइव – नवी दिल्ली |
चीनचे राष्ट्राध्यक्ष शी जिनपिंग शुक्रवारी दोन दिवसांच्या दौऱ्यावर भारतात येत आहेत. जिनपिंग आणि पंतप्रधान नरेंद्र मोदी यांच्यात चेन्नईच्या प्राचीन शहर ममल्लापुरममध्ये एक अनौपचारिक शिखर परिषद होणार आहे. व्यापार, संरक्षण आणि सुरक्षा यासारख्या महत्त्वाच्या मुद्द्यांवर व्यापक चर्चा होईल.एकमेकांना धोका नाहीः या भेटीच्या एक दिवस आधी चिनी राजदूत सन वेदोंग म्हणाले की, दोन्ही देशा्ंना एकमेकांन पासून धोका नसून एकमेकांना विकासाच्या संधी देऊ. चीन आणि भारत यांच्यातील सहकार्यामुळे केवळ एकमेकांच्या विकासास हातभार लागणार नाही तर आर्थिक जागतिकीकरणाची प्रक्रियाही वाढेल. ते म्हणाले की, या जटिल जगात सकारात्मक उर्जा भरण्याची आपली मोठी जबाबदारी आहे.आंतरराष्ट्रीय परिस्थितीवरही चर्चा होईल: चीनी राजदूत म्हणाले की, दोन्ही नेते आंतरराष्ट्रीय परिस्थितीबद्दल सखोल चर्चा करतील. वाटाघाटींमुळे सहमतीच्या नव्या चौकटीचा उदय होऊ शकतो ज्यामध्ये आंतरराष्ट्रीय प्रणाली बदलांचा एक सामान्य दृष्टीकोन तयार होईल. शिखर परिषद संबंध उच्च पातळीवर नेईल आणि जागतिक शांततेवर त्याचा सकारात्मक परिणाम होईल.

Post a comment

 
Top